Gitaktak nga way due process

Dear Atty. Divine,

Duna koy pangutana labot sa pagtaktak nako sa trabaho. Usa ko ka cashier ug sinaligan sa usa ka tindahan sud na sa pito ka tuig. Niadtong miaging mga buwan mihimo og audit ang ilang gi hire nga bag-ong  auditor. During sa audit dunay nakitang discrepancy sa petty cash fund. Tungod kay usa ko sa tig release sab sa petty cash gipatawag ko sa manager og iya kong gisultian nga ang management moterminate nako og sa lain nakong kauban tungod sa maong discrepancy. Miingon ang manager nga kon mo-question mi sa pag-terminate kanamo hayan pasakaan mi og kasong criminal sa employer. Ang akong pangutana kun mamahimo pa ba kong mo-question sa legality sa pag-terminate nako? Unsay angayan nako nga buhaton? Daghang salamat.  Gloria

* * *

Dear Gloria,

Yes, mamahimo ka nga mo-question sa legality sa pagtaktak nimo sa trabaho kay wa ka hatagi og due process o kahigayunan nga makatubag sa pasangil. Tataw kaayo basi sa imong narration nga wa mo hatagi og time nga maka explain sa inyong side ug kamo dayon ang gitumbok nga sad-an. Basi sa atong balaod, sa dili pa i-terminate ang usa ka empliyado kinahanglan nga pahibaw-on una siya kun unsay kasaypanan nga iyang nahimo ug hatagan siya og igong higayon sa pagtubag sa pasangil ug sa pagdepensa  sa iyang kaugalingon. Human niini, kun aduna nay findings, pahibaw- on na sad dapat ang employee sa resulta ug sa ipahamtang nga silot. Sa imo nga kaso, wa ka nila patubaga kun nganong dunay discrepancy sa petty cash busa mamahimo kini nimong question-on pinaagi sa pagpasaka og reklamo batok sa imong employer sa NLRC. Ang employer makapasaka lang og kasong criminal batok kanimo kun duna silay ebidensya nga imong gibulsa ang ilang kwarta, apan kun limpyo ang imong konsensya, wa kay angay nga kahadlokan. Thank you and God bless. -- Atty. Divine

* * *

Alang sa inyong pangutana, palihug lang sa pag email sa f[email protected] ug akong tubagon ang inyong pangutana pinaagi sa akong column matag Miyerkules, Sabado ug Domingo. Thank you and God bless.