Gustong ipagamit sa bata ang apelyido
Dear Atty. Divine,
Duna koy anak nga illegitimate. Wa nako ma ackowledge ang bata kay nagtrabaho ko sa gawas sa dihang kini natawo.
Apan nagsuporta ko sa bata hangtud karon. Gusto unta nako nga ang bata mogamit sa akong apelyido. Unsay angay nako nga buhaton aron mausab ang apelyido sa bata sa iyang birth certificate ug aron ang ako nang apelyido ang iyang gamiton? Daghang salamat.
Peter
* * *
Dear Peter,
Mamahimong ipausab ang apelyido sa imong anak pinaagi sa imong pag-execute og Affidavit of Acknowledgment isip pagpamatuod nga ikaw ang amahan niini. Sa imong Affidavit, imo sab ilakip ang imong tinguha nga imong ipagamit ang imong apelyido sa bata ug ilisan ang iyang surname sa iyang birth certificate.
Human niini, imong i-submit ang imong Affidavit ngadto sa Local Civil Registrar diin marehistro ang bata aron ilang ma-process ang pag-usab sa apelyido sa imong anak sa iyang Birth Certificate.
Thank you and God bless!
Atty. Divine
* * *
Alang sa inyong pangutana, palihug lang sa pag email sa [email protected] ug akong tubagon ang inyong pangutana pinaagi sa akong column matag Miyerkules, Sabado ug Domingo.
- Latest
