Ang bag-ong normal

Kalabot sa pag implementar sa GCQ sa mga dapit kang kansang COVID-19 nakontrolar. Apan subo palandungon nga ning panahona karon nahimong daw anaa sa iwit ang simbahan nato karon. Ug hangtud karon dili pa matino kun angayan pa ba siyang ablihan o dili na tungod ning coronavirus.

Senyales na ba kini nga sa hinayhinay nga paagi himoong mahunong ang simbahan diha sa iyang pagpangalagad sa katawhan gumikan ning maong new normal nga gilatid sa Inter Agency Task Force kun IATF? Kun may rason ang gobiyerno unsaon man pud kaha sa simbahan paglihok ning kalakiha karon?

Kay lagi tungod sa health reason mao nga pugngan apan ang POGO sulod ning panahon sa “pandemonyo”padayon gihapong nag-operate.

Ang rason kay ang kita ning maong pasugalan gamiton kuno sa kagastuhan sa COVID-19 nga krisis. Makatarunganon ba kaha kini?

Sa madugay ug sa madali mahimong mas ma detached ang katawhan gikan sa mga kalihukang espirituhanon.

Husto gyud diay si Bill Gates sa dihang siya giinterbyu kay matud pa niya kinahanglang mag lockdown sulod sa 18 ka mga bulan. Ang mga kalihukang relihiyoso sa mga simbahan apil na ang Simbahang Katoliko kinahanglang isuspenso una sulod sa 18 ka nga buwan o dili ba kaha suspensuhon hangtud sa hangtud. Ingon ini ang ilang mga linya sa panghunahuna ug kini tingali ang hinungdan kun nganong naingon niini ang tanan.

Unsay mahitabo niini?

1. Matud pa ang matag tawo nagkinahanglan gyud og kalambigitan sa bisan unsang espirituhanon. Kining maong panginahanglan sa tawo makatabang kaniya og dako uyamot sa pagpabiling malaumon taliwala sa dakong pagsulay sa kinabuhi. Ginaingon pa nila nga ang mga tawong nag-ampo, mosimba, ug magbasa og bisan unsang relihiyoso ang matabangan diha sa pagpuyo og kontento nga kinabuhi. Dili sama sa uban nga walay Dios diha sa ilang kinabuhi ang dali ra gyud kaayong mokutlo sa ilang kinabuhing gikuptan.

2. Unsa na lang ang atong himoon gawas sa pag-ampo?

A. Una, mas maayo nga dili na lang ta una magpunay og sud-ong sa tagsatagsa ka mga updates mahitungod ning COVID-19. Mas maayo nga molikay lang una kita gikan niini. Sakit na kaayo sila tunlon ug dawaton. Malisud na alang kanato ang pag-usap ning maong balita. Nakasinati na kita og information overload.

B. Magmugna kita og atong routine. Kay ning paagiha mamahimong structured ang atong kinabuhi ning panahona karon.

C. Ayaw pag-urong sa kwarto o sige lang og katulog. Mas maayo nga mobangon ka ug molihok kini aron malikayan nimo ang pagka aborido.

D. Pakiglambigit sa tinuod nga kalibotan. Bisan pa man kun online lang ang atong pamaagi sa pakiglambigit apan ang pagpakigkukabildo sa atong mga kaigsuonan o mga sakop sa pamilya sanglit sila man ang atong mga stress relievers.

E. Pagpalig-on sa atong immune system pinaagi sa mga bitamina nga kinahanglanon kaayo. Busa kaon mga pagkaon sama sa prutas, utanon ug uban pa.

F. Focus sa bisan unsang Mahinungdanon. Kay ang pagpunay og gahin og panahon sa bisan unsang mga butang nga way hinungdan makadugang naman hinuon sa atong suliran sa kinabuhi ug dili gyud makatabang kanato.

G. Hilom ug pamalandong. Nabalaka man tuod kita ning hitaboa karon apan hinumdomi nga dunay Ginoo nga kanato motabang gyud sa kanunay. Dili ta niya pasagdan busa angayan lamang nga sangpiton nato siya sa hingpit. Kay halayo kaniya wala kitay mahimo.

 Mao kini ang atong bag-ong normal sa kalibotang nahimong biktima sa mga tawong hakog sa gahum ug bahandi. Mga tawo nga naglakaw sa dalan nga mangitngit ug nangangin pa gyud sa uban.