Nibalik ako

Usa sa  mga taho nga akong nabasahan mao nga daw sa nahimugso pagbalik ang virus didto sa Wuhan, China. Matud pa dunay usa dayon napun-an na og lima ka mga tawo nga nagka-COVID-19 ug mahimo nga mas modaghan pa gyud kini.

Dili ba kaha nga kini na ang giingon nilang second wave ning maong virus? Matud pa sa mga eksperto, nga kining maong kahimtanga mas kuyaw pa kay sa atong nasinati karon. Unsaon na lang kun ugaling mobalik na pud kini kanato? Ingon ana ba kita ka ready niini? Unsaon lang gyud labina nga karong panahona padayon kitang nanlimbasog ning nagkataas nga kaso ni Corona. 

Asa man nato ibasol ang maong pagbalik? Unsa man ang atong nakita niini? Tinuyo ba kaha kini? O nibalik sila sa naandang pagkinabuhi nga mao ang pagkaon sa mga exotic foods sa ilang Wuhan Market.

Ambot lang kun unsa kahay rason? Mahimo ba nga ang mga tawo nagmagahi ug wa mo-cooperate? Ang maong wala pag cooperate maoy hinungdan nga mas mograbe pa hinuon kini puhon kaysa karon?

Subo palandungon kaysa akong tan-aw mura man nuon og nagkadugay mura naman nuon og walay tambal kining maong virus. Unsaon man nato pagkab-ot og kalinaw kun padayon gihapong samokon ang atong kaugalbingon gumikan ning maong hitaboa?

Dili ba makapawala man og gana? Ug kun ang tawo mawad-an og gana asa man siya padulong? Usa sa akong mga higala nga anaa sa frontliners ang nahimong gikapoy na gumikan ning kahimtanga ug ang maong kakapoy usahay nakapahimo niya nga maghunahuna sa dakong posibilidad nga moundang na lang sa maong trabaho isip usa sa mga daghanang medical practitioners nga hangtud karon nangindahay nga maundang na unta kining tanan. Ug kun kanus-a bugtong ang kahigayonan lang masayud.

Corona palayo na! Kay lisud tugkaron ang giingon nilang normal nga hangtud karon nahimong daw abnormal lang gihapon alang kanatong nakakita sa lintunganay nga naglimin ning tanan.