Panic

Di tiaw gyud ning 2019 Novel Coronavirus. Daghan ang nakuyawan ug nag panic tungod niini. Gani sa akong nasayran segun sa gipang post sa Facebook sa kadaghanan, nahurot na gani kuno ang mga facemasks.

Duna say uban nga nipahimulos ning maong kahimtang. Kini tungod kay daghan sa mga negosyante usab angnihimo og over pricing sa mga facemasks. Sakit gyud kaayo ni tingali sa tawo nga dili gyud mahitabong buwagon ang trahedya sa economics.

Gikan sa pagkahimugso ngadto na sa kamatayon anaa gyud tingali ang economics.

Pastilan simbako kun mahisama kini sa Train to Busan! Unsaon na lang tawon ang tanan! Dili ba kaha biological warfare kini aron mapapas ang kadaghanan? Ambot lang.

Ang atong artsidyosesis naghimo og Oratio Imperata alang niini. Kini nunot sa hagit sa CBCP alang natong tanan nga mag-ampo gyud sa hugot alang ning maong krisis karon.

Ning maong pag-ampo gidapit kita nga unta diha sa tumang pagtuo atong sangpiton ang Dios ug atong makita nga mas gamhanan ang makaalim nga gugma sa Dios kaysa bisan unsang peste nga kanato mohugpa.

Ang maong krisis maoy nagdala og kalisang sa tanan. Kini tungod kay kadaghanan kanato dili andam nga mamatay ug wala kitay igong kapasidad tingali sa pagsagubang niini mao nga ang the best natong mahimo mao  man ang paglikay o preventive measures.

Prevention is better than cure matud pa. Apan ambot lang kun nahimo ba kaha kini nato.

Makiangayon ba kaha nga isakripisyo ang katawhan aron lang paghatag og asylum sa mga langyaw nga Intsik nga naghatag og kakuyaw alang sa matag usa kanato? Dili ba kaha ang maong talan-awon susama sa Trojan War nga tungod sa grabeng kompiyansa napukan ang daghang kasundalohan sa Troy?” mas maayo gyud nga dili mokumpiyansa!

Ambot usaon nato kini pagsagang kun ugaling moabot na kini ug mokuyanap?

Lisud man gani kita og pantambal sa mga yanong balatian samot na ni coronavirus? Kun ugaling tinuod ang ahos, aw mas maayo nga mag-ugom na lang tang daan niini samtang dili pa ulahi ang tanan.