Ang gakus ug hikap

Dili ikalimod nga kitang mga tawo hilig kaayo og gakus ug hikap. Kini tungod kay mamahimong mas personal alang kanato. Apan sa laing bahin mahimong mamis-interpret ang gakus ug hikap ingon nga pagpahimulos, sa kahuyang.

Ang gakus ug hikap ingon nga pag-bonding ug pagguba sa boundaries. Kini tungod kay daghang mga tawo ang nahimong immature ug dili hamtong sa pagsabot sa bili sa hikap ug gakus.

Kun buot hunahunaon mahinungdanon kaayo ang hikap ug gakus kini tungod kay:

A. Ang gakus ug hikap paagi sa pag-umol og kalambigitan sa usag-usa. No man is an Island matud pa.

B. Ang gakus ug hikap maoy ritwal sa pag-alim sa mga samad sa emosyonal nga kahimtang.

C. Mahinungdanon kini kay matud pa mas mahigugmaon ang mga bata nga gigakus ug gipangga sa ilang mga ginikanan.

Impersonal kaayo ang kadaghanan nato karon. Tungod sa kahadlok nga makiha tungod sa sexual harrassment mao nga mahadlok kita mohikap ug mogakus.

 Daw sama kita sa mga robots nga di gani maantigong mobati og mosimpatiya sa tinud-anay nga gibati sa uban.