Wa pa ma annul ang first marriage
Dear Atty. Divine,
Duna koy live-in partner sud na sa lima ka tuig ug duna mi usa ka anak.
Nagplano na mi nga magpakasal apan kasal pa siya sa iyang unang asawa .
Ang akong pangutana kun pwede ba mi magpakasal bisan kun wa pa-siya ma-annul sa iyang first marriage? Unsay angayan namo nga buhaton? Daghang salamat.
Jane
* * *
Dear Jane,
Kun nag exist pa ang first marriage sa imong live-in partner dili pa gyud mo pwedeng magpakasal. Kay mahimong bigamous ang maong kaminyuon ug dili kini valid.
Kun makaduha magpakasal ang usa ka tawo mamahimo sab siyang makiha og bigamy lakip na ang iyang gipakaslan.
Busa kinahanglan nga ipa-annul una sa imong live-in partner ang iyang first marriage una mo magpakasal aron di mo magkaproblema. Thanks and God bless.
Atty. Divine
* * *
Alang sa inyong pangutana, ipadala lang sa Legal Corner sa Banat News sa V. Gullas St., Cebu City or email sa [email protected] ug akong tubagon ang inyong pangutana pinaagi sa akong column matag Miyerkules, Sabado ug Domingo.
- Latest