Gustong mangayo og share sa abang

Dear Atty. Divine,

Ang akong umagad nagpa -abang sa iyang yuta ngadto sa usa ka telecommunication company.

Ang iyang property nga gipaabangan walay road right of way ug naa kini nahimutang sa luyo nga bahin  busa  ang ilang gihimong agianan mao ang road right of way sa  property nga gipanag-iya sa  igsuon sa  iyang asawa.

Ang akong pangutana kun ang owner sa road right of way duna bay katungod nga mangayo og share sa abang kay siya man ang nagbayad sa buhis sa road right of way? Nag-atubang na sila sa barangay apan di gyud mohatag og share sa abang ang akong umagad ngadto sa owner sa road right of way. Unsay angay’ng buhaton? Daghang salamat.

Maria

* * *

Dear Maria,

Kun ang property nga giabangan iya sa imong umagad then way katungod ang tag-iya sa road right of way nga mangayo og share sa abang gawas lang kun portion sa iyang yuta naapil sa  giabangan sa telecommunication company.

Apan tungod kay ang iyang yuta maoy gigamit nga agianan duna siyay katungod nga mo demand og bayad sa ilang paggamit  sa right of way.  Kun magdumili siya sa pagbayad niini pwede niyang pasirad-an ang right of way.

Kun sirad an ang right of way posible nga modangop sila sa korte but opportunity sad na sa owner sa right of way to demand payment sa portion nga gihimong agianan aron iyang buksan pagbalik ang main road right of way. Thanks and God bless.

Atty. Divine