Tungod lang bas a gugmang was hinungdan?

Daghan ang magminatay kay sila buwagan o dili ba kaha biyaan sa ilang giisip nga mga hinigugma.

Dili nila igsapayan kun sila mogawas nga mga walay buot mapabuhagay lang gyud nila ang tinud-anay nilang pagbati.

Nindot ang mahigugma labina kun kini tim-os ug tiunay.

Apan, sa laing bahin, ang maong pagbati mahimong moulipon kanato ilabina kun kini hawa sa rason.

Dunay rason ang matag hitabo ingon man ang pagbati.

Dunay sinugdanan ang matag pagbangotan. Dunay padulngan ang matag paningkamot.

Kun dili ka malipay sa imong kinabuhi gumikan sa maong kapakyasan tingali baya nga imong nahatag ang tanan.

Dili dautan ang paghatag og gugma sa imong kaugalingon tungod kay dili ka man makahatag sa bisan unsa nga wala nimo mahupti.

Busa angay ug matarong lamang nga ikaw magmaigmat sama sa bitin aron imong hunahunaon nga bisan pa man kun tinuod anaa ang dakong kahigayonan sa pagluib diha sa paghigugma.

Ang tanan imong malikayan kun ugaling imong hunahunaon ang buhing matuod nga sa atong kinabuhi ang tanan lumalabay lamang bisan gani ang mga tawo nga giisip mong mahinungdanon.

Sila molabay lamang mao nga dili maayong magpaulipon ug motuo diha sa mga bakak sa mga tawong way hinungdan.

Kay ang pagbuhat sa ingon usa man ka dakong paghikog ug maanugon lamang ang imong kinabuhing hinulman. Puy-i kini uban ang kamalipayon ug kamabungahon.