Nasayup ang spelling sa iyang pangan sa marriage certificate
Dear Atty. Divine,
Ang akong papa usa ka retired soldier ug namatay kini last month.
Ang akong mama isip surviving spouse nagsugod na sa pag-process sa iyang benefits ug nag-submit na siya sa iyang mga dokumento lakip na sa ilang marriage certificate ni papa.
Apan sa dihang nagkuha si mama og copy sa ilang marriage certificate sa Philippine Statistics Authority or PSA iyang nakita nga nasayup man ang spelling sa iyang pangan kay instead nga “ Geneveva “ ang nabutang kay “Geneviva” so unsay buhaton ni mama aron makurihian ang sayup nga spelling sa iyang first name sa ilang marriage certificate? Daghang salamat.
Gina
* * *
Dear Gina,
Ang clerical error sa first name sa imong mama sa ilang marriage certificate mamahimo rang iyang pakurihian sa Civil Registrar diin ma-register ang ilang marriage pinaagi sa pag-file og Petition for Correction of First Name .
Ang Civil Registrar adunay listahan sa mga dokumento nga dapat nimong i-submit kanila alang sa correction sa marriage certificate busa mas maayong mangayo ka niini aron magiyahan mo kon unsay dapat ninyong i-comply. Kon makompleto na ang requirements sa imong mama iya kining i-submit sa Civil Registrar apil na ang Petition for Correction ug mobayad siya sa filing fee aron ilang ma-process. After 2 to 3 months mogawas na ang approval sa iyang petition ug kamo na unya ang mo-submit niini sa PSA Manila aron ma-annotate ang correction sa marriage certificate sa imong mama. Thanks and God bless.
Atty. Divine
* * *
Alang sa inyong pangutana, ipadala lang sa Legal Corner sa Banat News sa V. Gullas St., Cebu City or email sa [email protected] ug akong tubagon ang inyong pangutana pinaagi sa akong column matag Miyerkules, Sabado ug Domingo.
- Latest
