Kisaw sa politika

Gipangutana ko sa usa ka politiko kon unsay angay niyang buhaton aron mas maduol siya sa mga tawo kay lagi ang iyang kaatbang sapian ra ba. Ako siyang giingnan nga kon mahimo ipakita sa mga tawo nga sila mahinungdanon. Kuyog uban nila, biso-biso ug gakus- gakus kon kinahanglanon.

Panid-i ang mga estilo sa imong kaatbang ug kon may plano ka nga himoon himoa kini nga bisan gani ang suod mong asawa di masayud niini. Ug inig abot sa hustong panahon makab-ot mo ang kadaugan ug kon anaa kana didto isipa ang haring lungsod ingon nga imong alagaran ug dili ikaw ang magpaalagad.