Karaoke ban

“House mulls karaoke ban in residential areas.” Headline kini sa usa ka nasudnong mantalaan. This is long overdue. Ambot nganong karon pa sila nakahunahuna niini.

Ang House Bill 1035 gipangamahanan ni Quezon City Rep. Angelina Tan giendosar sa Committee on Public Order and Safety nga gipangulohan ni Antipolo Rep. Romeo Acop. Nagpasabot nga hapit na kini maaprobahi sa House of Representatives.

Atong kutloon si Tan: “The bill seeks to tackle noise pollution and unnecessary disturbances to the public produced by sound amplifying equipment in residential areas.

Noise causes difficulty in conversations. It interferes with sleep and negatively impacts certain kinds of work. As a source of stress, it can promote high blood pressure and other cardiovascular problems as well as nervous disorders.”

Dili na lang ta modugang pa sa mga pamahayag ni Tan. Gawas pa, sayod na kitang tanan niini, ug dugay na kitang nag-antos niini.

Aduna na kita’y existing noise pollution, ug adunay policy statement si Presidente Digong Duterte nga mag-ban sa video/karaoke singing beyond 10 p.m. Apan, wala kini tumana sa mga hingtungdan.

Ubos ning maong balaudnon, “the playing or operating or permitting of any radio, CD player, television set, amplified musical instrument, loudspeaker, videoke or karaoke system, or other sound amplifying equipment, would be allowed only from 8 a.m. until 10 p.m. throughout the week.”

So, covered ang tanang matang sa pagsaba-saba, dili kay ang videoke ug ang karaoke lang ang giigo ning maong balaudnon.

Ang mosupak, silotan hangtud unom ka bulan nga pagkabilanggo, o multa nga P1,000, or both. Kaya kaayo ang multa, apan, dakong kasahol ang pagkabilanggo, bisa’g usa lang gani ka adlaw.

* * *

Ang labing uwahi nga survey nga gihimo nagpakita sa pagsupak sa katawhan batok sa paghimo’g kausaban sa Konstitusyon ug sa atong pagsagop sa federalismo.

Alang kanila, nothing is wrong with the present Constitution. Dili kinahanglan nga i-dismantle kini sa iyang kinatibuk-an. Apan, despite niini, magpadayon ang Palasyo sa kampanya pagpasabot sa panginahanglan sa Cha-Cha ug sa Federalismo.

Perhaps, sa panghunahuna ug pangagpas ni kanhi Chief Justice Reynato Puno nga maoy nangulo sa Constitutional Consultative Committee, adunay kahigayonan nga mausab ang perception sa katawhan bahin sa Charter Change ug sa pag-adopt sa federalismo, sa higayon nga kini mapasabot pag-ayo sa katawhan pinaagi sa panghingusgan nga information campaign down to the barangay level.

Dili kay kutob lang sa mga press releases, nga usahay masaypan nga fake news.