Vocation campaign na pud
ENERO 22, 2017: Ikatulong Domingo sulod sa tuig Mga Pagbasa: Is. 9;1-4/Sal. 27/1 Cor. 1;10-13,17/Mt. 4:12-23
Kasagaran kining maong ebanghelyo karong Domingoha mao man ang teksto nga sagad gamiton kun maghisgot na kita og vocation campaign. Naghisgot kini sa tawag ni Jesus sa iyang mga tinun-an. Ang bokasyon gikan sa latin nga pulong vocare nga nagpasabot og to call o ang pagtawag. Kitang tanan gitawag aron magpuyo sa kinabuhing balaan, malipayon, ug mahigugmaon nga atong gipadayag pinaagi sa pagka minyo, pagkapari o pagka relihiyoso o sa single blessedness. Walay labaw ining mga bokasyona ang tanan managsama ra sanglit usa ra man ang tinubdan nga mao ang Dios. Dili mahitungod lang sa imong kahimtang sa kinabuhi. Mahitungod kini sa imong pagkamahigugmaon nga mosanong sa bisan unsang laraw nga gilatid sa Dios alang nimo.
- Latest
