Tawo asa ka paingon?

Usa sa mga lyrics sa usa ka kanta nga nag-ingon" Do you know were you're going to, do you like the things what life is showing you,"usa kini ka mga pulong nga pamalandongan sa tawo sa atong panaw sa kinabuhi. Mga pangutana nga kita ra ang makatubag kay kita man ang modala sa renda sa atong kinabuhi niining kalibutan. Kung unsa man kita karon mao kini ang bunga kung giunsa nato ang atong kinabuhi.

Ang Ginoo nagiya sa tawo ug ang nagtuman sa iyang mga latid nagmalampuson ug ang nagsupak nga nipuyo sa kangitngit nahitumpawak gayud sa kaalautan ug gani ang uban nakaangkon sa mapait nga kamatayon. Ang kalibutan usa ka lingla tungod kay ang makita nato makadani sa kaanindot nga mahatag mao lamang ang daklit nga kalipay ug moulipon kanato ug makapahimo natong hakog ug uban pang mga dili maayo nga kinaiya kay matud pa sa panultihon maora ra kita og irong buang nga nagpaghot sa buwan kay diha sa kamatayon ang tanan walay kapuslanan. Pangandoy kamo nga kasakyan paingon sa langit ug dili ang kasakyan paingon sa kalaglagan.