Human sa International Eucharistic Congress

Nahimong sentro ang Sugbo sa kagahob tungod sa International Eucharistic Congress. Kasinatian sa Pagtuo, Kasinatian sa Grasya! Apan magpabiling buhi ug lab-as ang hagit: "Christ in You our Hope of Glory!" Balik sa naandan ang tanan. Kayud ug lihok aron mamahimong mabuhi ug makahatag og kinabuhi. Kini ang kinahanglanon aron sa ingon mamahimong mas konkreto ang paghatag og kahulogan sa Sagrada Eyukaristiya. Nga unta ang atong kinabuhi mamahimong panalangin alang sa uban ug nga sa matag dawat nato sa Ginoo diha sa Eyukaristiya mamahimo siyang buhi pinaagi kanato.