Prenda nga wa’ malukat

Dear Atty. Divine,

Duna’y property nga giprenda sa among silingan diri nako apan wa niya malukat after 3 years nga maoy among nasabutan. Naa ko’y kopya sa Real Estate Mortgage nga pinirmahan sa nagprenda og notarized ‘sab kining maong dokumento. Unsa may sunod nako nga buhaton? Mahimo ba nako nga mapanag-iya kining mao nga property?  — Mike

Dear Mike,

Mahimo nimo nga i-foreclose ang maong property pinaagi sa pag-file og Petition for Extrajudicial Foreclosure ngadto sa Office of the Clerk of Court sa lugar diin mahimutang ang mao nga property. Ang maong property ipa-auction kini ug ang halin maoy ibayad sa iyang utang diha kanimo. Dili mahimo nga imong angkunon ang property tungod sa iyang kapakyas pagbayad sa iyang utang kay kalapasan kana sa balaod ug adunay proseso ang pag-foreclose sa property. Kun gusto ka nga imong mapanag-iya ang maong property, then mahimo nimo nga papirmahon og Deed of Sale ang nagprenda kun mosugot siya then imo na lang siya nga pun-an og bayad kun pila ang iyang presyo in case mas dako ang iyang presyo kay sa iyang utang kanimo. So puwede nga di na nimo i-foreclose ang property ug imo na lang i-process ang pag-transfer base sa Deed of Sale nga inyong gipirmahan. - Atty. Divine

Alang sa inyong pangutana, ipadala lang sa Legal Corner sa Banat News sa V. Gullas St., Cebu City or email sa flores_ [email protected] ug akong tubagon ang inyong pangutana pinaagi sa akong column mata’g Miyerkules ug Domingo