Timan-i ang SAFE

Hangtud karon wala pa g’yud hingpit ma-edukar ang publiko sa kamahinungdanon sa fire safety tips nga gibalik-balik pagpasabot sa ato’ng kabomberohan aron makalikay kita nga mabiktima sa sunog.

Ang nakapaet  pa g’yud, duna lang gihapon kita'y madungog nga mamatay intawon gumikan sa sunog kay na-trap kini sa panimalay o ba kaha kay mibalik kini pagsulod sa nagdilaab na nga edipisyo.

Alang sa kasayuran sa tanan, sa panahon nga dunay sunog nga moigo sa usa ka lugar, ato dayon nga huna-hunaon ang pulong nga SAFE.

Ang “S” nagpasabot og Sound the alarm. Kun dunay emergency alarm system ang usa ka edipisyo mas labing maayo. Apan kun ang sunog anaa sa usa ka komunidad, mas maayo nga atong pahibaw-on ang atong mga silingan pinaagi sa pagsiyagit nga dunay sunog aron sila makahibalo ug sa maong paagi makapanghakot pa kini sa mga importante’ng gamit.

Ang “A” kay Advice fire department pinaagi sa pagtawag sa among hotline nga 160. Kun kamo anaa sa probinsya mas maayo’ng suwetohon ninyo ang mga numero sa fire station ug police station sa inyo’ng lugar. Importante g’yud nga atong ibutang duol sa atong telepono ang mga numero sa atong kabomberohan aron dali ninyo’ng matawgan kun dunay kasikas sa inyong lugar.

Ang “F” nagpasabot og Fight fire. Kini’ng pakigkumbati ninyo sa sunog pang-emergency lang samtang nagpadulong pa ang atong kabomberohan.

Ug sa kataposan ang “E” kon Evacuation. Sa panahon sa sunog ang labing importante nato’ng buhaton mao nga isiguro ang mga sakop sa atong pamilya, mga bata ug mga hamtong ug ipahiluna nato sila sa luwas nga lugar.

Pipila lamang kini ka pahimangno nga kun atong hatagan og pagtagad makatabang kaayo nato ug dako nga mahimong luwas kita sa disgrasya panahon sa sunog nga moigo sa atong lugar.