Senador at chiching nag-shopping sa Hong Kong

ALAM n’yo bang nakipag-date ang isang senador sa Hong Kong at ipinang-shopping pa ang kanyang chiching?

Ayon sa aking bubwit, happy birthday muna kay dating Sen. Joker Arroyo, dating Solgen Estelito Mendoza, Megastar Sharon Cuneta Pangilinan, Joe Zaldariaga ng Meralco, Sis Mila Domingo, Bro. Rommel Cabrera at Rino Taboso.

Alam n’yo bang sa abroad nakikipag-date ang isang senador sa kanyang chiching? Ayon sa aking­ bubwit, noong December 27, 2014, araw ng Sabado ay nakita niya ang isang senador sa Hong Kong habang kasama ang kanyang chiching. Sila ay nag-shopping sa Ocean Terminal.

At habang kasama ni Senador ang kanyang chiching na namamasyal at nagsi-shopping, sila ay sinusundan ng dalawang bodyguards.

Wow, nasa ibang bansa na si Senador pero kontodo bodyguard pa rin siya. Meron ba siyang mga death threat at takot pa yata sa kanyang anino habang nasa abroad.

Ayon sa aking bubwit, ang senador na may ka-date na chiching at ipinan-shopping pa sa Hong Kong noong Christmas season ay walang iba kundi si…

Siya ay isa sa mga kontrobersiyal na senador ngayon. Siya ay si Senator A. as in Almighty.