Brgy Maya, Daan Bantayan, Cebu

“Garapalan naman kaayo ang pagbaligya sa shabu sa among barangay hasta pud sa Talisay dili na man mahadlok ang mga drug pusher mas daghan na hinoon ang mga naadik sa illegal nga drugas.

Brgy Candaguit, Sibonga, Cebu

“Naa man gihapon ang tigbakay diri Sir dugay pa man unta ang fiesta diri pero nganong matag semana kaduha man ka higayon ang tigbakay unsa diay ning mga polis diri dunay komisyon sa kita kay wala man gyod silay aksyon ani.”

Brgy Guiwanon, Bantayan, Cebu

“Ang among karsada sir Jun pwerte mang gubaa nag-antos tawun ming mga pasahero labi na karon nga ting-uwan daghan gyod ang nahasol labi nang mga tricycle driver.”

Brgy Gun-Ob, Lapulapu City

“Diri sa Carahay kay naay namaligya’g shabu naa ra na sila sa daplin sa karsada maghinatagay duol ra sa usa ka tindahan unya naa na silay mga parok, ikaw nay bahala paghatag sa mga polis sa ilang mga ngalan kay nakahasol na sila diri sige’g pangawat.”

Brgy Tejero, Cebu City

Amo lang ni ireklamo ang sige’g duwag billiard kay nakahasol kaayo namong nagpuyo sa palibot kay saba kaayo magbuntagay unya kasagaran ani nilang magduwa kay mga runner sa shabu.”

Brgy Mano, San Remegio, Cebu

“Tabangi mi nga madakpan ning namaligya’g shabu diri sa among lugar grabe na ang ilang pag-dispose sa shabu diri daghan na naadik tungod aning ilang kalaki.”

Brgy Candulawan, Talisay City

“Ipabadlong mi palihog aning hantak diri sa among barangay kay naa ra sa kilid sa karsada makahasol kaayo sa mangaging sakyanan labi na sa mga tricyle kay daghan man magpundok.”

Brgy Inayawan, Cebu City

“Sa Upper Torre Sir kay daghan na mamaligya’g marijuana ug shabu hinaot nga molihok na ani ang mga polis sa Pardo aron dili pa gyod ni modaghan pag maayo.”

Brgy Tejero, Cebu City

“Diri sa sitio Sampaguita kay lantaran man kaayo ang mga bingo machine wala man dakpa sa mga police sa Waterfront hinaut unta nga ila kining maaksyonan kay daghan man mga bata nga nabuang ani nga sugal.”

Brgy Mactan, Lapulapu City

“Hatagan unta’g aksyon sa kapitan kining problema namo sa sitio Isuya kay puwerte gyong ngitngita sa karsada nga unta agianan man unta ni padung sa subdivision.”

* * *

Happy birthday nilang FRANCO VELIGANIO, RYAN VELIGANIO ug JUVY PONCE.

* * *

 Alang sa inyong mga reklamo text lang sa 09071678643