^

PSN Opinyon

Ulilang graduation

PILANTIK - Dadong Matinik -

Si Jose ay batang lumaki sa gutom

Pagka’t nag-iisa sa bahay na karton;

Kanyang ama’t ina’y tagal nang yumaon

Kaya nabuhay s’yang nagsosolo ngayon!

Kahi’t nag-iisa siya ay masinop

Hindi niya pansin ang dusa at lungkot;

Sa dinaraana’y kanyang pinupulot –

Mga pako’t bakal, yerong kakarampot!

Kahi’t siya’y dukha sinisikap niya

Laging makapasok sa munting eskwela;

Wala siyang baon kahi’t isang pera

Kahi’t nagugutom nagtitiis siya!

Matapos ang klase siya’y nagdaraan

Sa bahay ni Beho – kanyang kaibigan;

Doo’y kinukuha kanyang napagbilhan

Ng kahi’t na anong napulot sa daan!

Mag-asawang Intsik wala namang anak

Katulong si Jose kapag nagbubuhat;

Habang gumagawa siya’y nagsisikap

Ang mga aralin kanyang hinaharap!

Kahi’t batambata kanyang binabata

Ang hirap at sakit ng isang ulila;

Kanyang pag-aaral pinagbuti niya

Kaya sa graduation siya ay kasama!

Hindi man mataas ang nakuhang grado

Sa lahat ng Grade Six siya ay pangatlo;

Mag-asawang Intsik ay natuwa rito –

Pag-aaralin siya hanggang sa kolehiyo!

Nagulat ang kanyang guro at principal

Kahit na ulila, damit ay makinang;

Pantalon at Barong ay nagkikislapan

Hindi na halatang siya’y pulubi lang!

Mayama’t mahirap kaklase ni Jose

Nagsilapit lahat at siya’y binati;

Nabuhay sa kanya magulang na api –

At doon sa langit sila’y nakangiti!

BEHO GRADE SIX HABANG INTSIK KAHI KANYANG KAYA SI JOSE SIYA
  • Latest
  • Trending
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with