EDITORYAL - Unsa man ning kaona oy

Mas maayong klarohon ning giingong gi-budgetan og tag Pl,000 ang matag tawo nga mokaon atol sa kasaulogan sa Charter Day ning dakbayan karong Febrero 24, 2010.

Unsa man ni ka tinuod, pastilan ngilngiga ning kaona oy, asa man ni ibutang sa tawong mokaon. Kun bugas imong paliton, dul-an nang usa ka sako ang maong kantidad . Kun usa lang ka tawo ang mokaon sa usa ka sakong bugas murag di mahurot sa usa ka buwang kinaon.

Unya sa mga dinagkong tawo nga party, kasagaran sa mokaon niini, mga desente, nga gamay ra kaayo og kaon, igo lang mopunit og ginagmay, estorya-estorya, dayong undang.

Sa pinobreng kaon, kanang P50 busdik na kaayo ang tawo niana, may utan, may inun-onan ug sa kinabus nga kaon, tagbaw na kaayo sa kantidad nga P50.

Sa ato pa kun pobre nga mokaon, ambot di ba kaha kini moligid sa kabusog ug makuyapan kun ang balor og P200 nga pagkaon iyang hutdon.

Kun maglisod ang pobre paghurot sa pagkaon nga balor og P200 , daw unsa pa kaha ang mga adunahan nga labaw’ng pang nag-amping sa ilang sistema sa pagkaon.

Unya karong Charter Day, giingong lawgan kini og tag P1,000 balor sa pagkaon, unsa man kining kaona, da na ang kaligo sa mga sud-an? Mahimo ba kana?

Sama ra ni sa mga dagkong opisyal sa military nga mosuweldo og tag minilyon ka pesos matag buwan, asa pa nila ibutang ang maong kuwarta?

Inigkamatay nila padad-an kaha sila sa ilang asawa og cash nga usa ka milyon ka pesos?

Puwerting suwertiha sa mohulip sa ilang puwesto sa panahong motaliwan sila? Kinawkaw ang maong bahandi, so motaliwan silang balhibuon ang kag, maayo ang mohulip kanila, modawat na og limpyo, may mamords nang asawa, wa na siyay sala sa tanang bahandi nga iyang masunod kay di man siya maoy nangiriw niini. Di ba?