^

PSN Opinyon

Ang tiguwang babaye

-

CEBU, Philippines - Nakabasa ko’g mubong anecdote sa librong "Just A Moment" ni Fr. Jerry M. Orbos, SVD, kabahin sa usa ka tiguwang babaye nga gihatud sa usa ka home for the aged didto sa Manila. Makahinuklog. Makapadugo sa kasingkasing ang maong anecdote.

* * *

Suma pa sa estorya ni Fr. Orbos, dihay duha ka babaye nga mihatud og usa ka babayeng tiguwang sa Missionaries of Charity didto sa Tayuman, Tondo. Ilang giingnan ang mga madre nga ilang napalgan ang tiguwang sa daplin sa dan nga giabandonar ug nagkinahanglan og pagkaon ug puy-anan.

* * *

Ug dayon nanglakaw sila biniyaan ang pobreng tiguwang. Sa dihang wa na ang duha ka babaye, mihilak midangoyngoy atubang sa mga madre ang tiguwang. Dili kuno tinuod nga gipunit siya sa karsada. Siya diay ang inahan sa duha ka babaye.

* * *

Ingon diay ana idam-ok nalang ta sa home for the aged kun tiguwang nata. Kalimtan nalang tong mga panahon nga giatiman nato sila pag-ayo diin bisan usa ka buok lamok nga mipaak kanila ato gyong gukdon og atsa.

* * *

Sa laing bahin ... Usahay mas maayo pa’g batasan ang iro kay sa tawo. Duna mi babayeng iro nga si Barney. Grabeng pinanggaa sa iyang duha ka anak. Bisag angay nang lutason, iya pa gihapon nga patutyon. Pakan-on. Bisag wa nay mahibilin alang kaniya.

* * *

Kadtong duha ka babaye nga mi-dump sa ilang tiguwang na kaayong inahan sa home for the aged akong imbitaron pag-anhi sa bay kay pakit-on ko sila kun giunsa pagpangga sa among iro sa iyang anak.

* * * 

TRIVIA – Morning greetings nganha sa atong mga friends sa Buhisan ug Punta Princesa. Take care. God bless.

BISAG JERRY M JUST A MOMENT MISSIONARIES OF CHARITY ORBOS PUNTA PRINCESA TIGUWANG
  • Latest
  • Trending
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with