Pautang sa mahihirap

MATAPOS ang serye ng mga kalamidad, mas maraming Pinoy ang nangangailangan ng tulong-pinansyal na dapat tugunin ng gobyerno. Kaugnay nito’y very relevant ngayon ang People’s Credit and Finance Corporation (PCFC). Ito ay isang financing institution na nagbibigay ng micro­finance services sa mga mahihirap na ibig magpundar ng maliit na negosyo.

Isinali na ang institusyong ito sa programa ng admi­nistrasyon — ang Accelerated Hunger-Mitigation Program (AHMP). Tama lang dahil ang PCFC ay nagbibigay ng short, medium o long term loans sa pamamagitan ng mga accredited microfinance institutions.

Ayon kay National Nutrition Council Chair at Health Secretary Francisco T. Duque III, kung may negosyo ang mga mahihirap, lutas ang pagkagutom at diyan ay maka­tutulong ng malaki ang PCFC. Okay naman so far ang track record nito.

Mayroon nang 454 conduits ang PCFC sa buong bansa na namamahala sa pagpapautang sa maliliit na negos­yante. Nakapagpahiram na sila ng PhP11,042,207 sa la­hat ng rehiyon. Mayroon na rin silang 2,669,531 na akti­bong kliyenteng naserbisyuhan sa pamamagitan ng MFIs. Makakautang ang isang sub-borrower mula PhP3,000 na unti-unting aangat sa PhP150,000. Para sa mga indibid-wal, maaari naman silang makahiram ng PhP10,000 hang­gang PhP150,000, depende sa project requirements.

Ang PCFC ay nagpapautang sa mga programang tulad ng: a) Investment Loan, na magbibigay pondo sa mga livelihood project na mas magpapalaki sa kita ng mga kliyente gamit ang kahit anong microfinance lending methodology; b) Institutional Loan, para sa capability building activities at expenditures o asset acquisition na may kinalaman sa lending program; c) Micro-energy Loan   facility, upang supor­ta­ han ang reporma at priority investments upang mas ma­pagbuti ang bu­hay sa rural area sa pa­- ma­­magitan ng sa­pat, mura at matatag na ener­gy services; d) Micro-Housing Loan fa­cility, pag-asiste sa pag­­­papa­gawa ng tira­han ng mga kliyen­te; at e) MFI Employees Loan facility, na susu­por­ta sa loan program ng MFI sa mga emple­yado nito.

Ang sino mang inte­-re­sado ay puwedeng direk­tang magtanong     sa PCFC sa tanggapan  nito sa 395 Sen. Gil Pu-yat Makati Cty o ma­ki­pag-ugnay sa mga su­mu­sunod na telepo­no: 897-8521, 752-3745   to 46, 897-5825

Fax Nos.: 897-8523, 897-8528