'Sobra po akong pawisin'

Dear Dr. Elicaño, ako ay isang public school teacher sa Metro Manila. Problema ko ang pagiging pawisin. Kapag nasa classroom ako at nagtuturo ay sobra ang aking pagpapawis. Alam mo po, sa sobrang pagpapa-wis ko ay bumabakat ang pawis sa dakong kilikili sa suot    kong uniporme. Pinagtitinginan tuloy ako ng aking mga estudyante. Ano po kaya ang dahilan at sobra akong pawisin? — TEACHER ALMA

Mayroon nang sumulat sa akin na katulad ng iyong problema. Nahihiya rin dahil sa sobrang pawisin.

Ang pagpapawis ay normal na nangyayari sa kata-wan. Mahalaga ito para ma-regulate ang temperature sa kata­wan. Pero ang labis na pagpapawis ay indikasyon na maaaring may medical problem. Ang labis na pagpa­pawis ay nagiging dahilan para mawala ang maraming asin sa katawan na nauuwi sa dehydration.

Palatandaan ng sakit ang labis na pagpapawis. Isa ito sa symptoms ng overactive thyroid gland kung saan        nag-iincrease ang metabolic rate ng katawan. Ang metabolic rate ay ang bilis nang pagsunog ng pagkain at oxy-gen para maka­pagbigay ng energy. Sintomas din nang     labis na pagpapawis ang mabilis na tibok ng pulso,     labis na pagbaba ng timbang, pagka-iritable at ang pag-increased ng appetite.

Ganoon pa man, ang mga practitioners ng natural medi­cine ay naniniwalang ang pagpapawis ay naka­tutulong para maalis ang toxins sa katawan.

Ipinapayo sa mga moderately active adults ang    pag-inom nang maraming tubig sa isang araw para ma­bawi ang nawalang fluid. Sa mga athletes at sobrang aktibong tao, ipinapayo na uminom nang maraming      tubig sa bawat oras ng kanilang activity. Sa mga may fever, umi­nom nang maraming-marami at sobra-sob­rang tubig.