EDITORYAL - Mga datu namasin sa lotto

Mikapin sa P100 milyones ang jackpot sa lotto adtong miaging Martes. Naghuot ang mga lotto outlet sa mga kaigsuonan tang namasin makadaug.

Kadaghanan sa mga namusta ug namasin nga maila ang jackpot mga kabus.

Apan diha say mga kuwartahan na nga misuway sad sa ilang suwerte. Gustong madatu’g samot.

Dili hinuon personal gyud nga mipila sa lotto outlet kining mga adunahan. Misugo ra sila sa ilang drayber o mga house helper sa pagpalit og lotto tickets.

Usa ka drayber mi-shock sa iyang mga kauban nga drayber dihang mipusta siya’g kapin sa usa ka libo ka pesos.

“Dili ni ako, Bay,” matud niya. “Iya ni sa akoang boss.”

Husto gyud kadtong gisulti ni Pilosopo Tasyo: “Wala gyu’y kabulosgan og kuwarta ang tawo.”