EDITORYAL - Sayop apan dunay leksiyon

Usa ka konduktor sa depasaherong jeepney ang milandig sa detention cell sa kapolisan human kini madakpang mibaligya sa iyang usa pa katuig nga anak sa kantidad nga P5,000.

Sayop man ang gihimo sa amahan apan duna kitay mapupo nga leksiyon sa maong hitabo.

Mipakita kini sa kasamtangang kapait sa kinabuhi nga giatubang sa atong mga kaigsuonan nga nahisakop sa pundok sa mga kabus kon timawa.

Makapahinumdom kini ngadto sa kagamhanan sa obligasyon niini sa pagpangitag mga pamaagi nga kining wa’y palad tang kaigsuonan kahatagan og tsansa sa kinabuhi.