Ang ilang debate

Naglalis kuno ang Heswita ug ang Dominicano samtang naminaw ang Salesiano. Ang ilang gilalisan mao ang intelektwal nga aspeto sa pagkatawo sa atong Ginoo. Ilang gipangutana ang Salesiano kun unsa ang iyang ikasulti sa ilang panagdebate. Ang Salesiano igo lang mingislo dungan ang pag-ingon: “Wala ko’y interes sa inyong debate. Mas interesado ko sa address sa mga three kings kay atua nila ang funding!

Pamalandong

Kinahanglang dili wad-on ang praktikalidad diha sa atong pagpangalagad aron ka mabuhi ug makahatag og kinabuhi sa mga tawo nga kanimo gisalig. Mao nga dili sa tanang higayon atong kutikutihon ang mga butang nga yano aron lamang tukion kun pila ka anghel ang makatungtong sa tumoy sa dagom.