Jai-alai masiao

Gikan sa cell. no. 0929-2777859: "Good AM, Sir. Ang mga polis diri sa amoa sa Tabuelan dili manakop sa jai-alai masiao. Tungod seguro kay nagdawat silag sinemana gikan sa financier. Rampant na kaayo ang sugal diri nga hantak ug tigbakay." -- (Sent: 07:04:03am--August 24, 2008)

Dili lang una ko mokomentaryo sa giingon sa atong texter nga nagdawat og "sinemana"nga payola ang mga polis gikan sa financier sa illegal nga sugal.

Dili ko motuo nga ingon na niana kasalawayo ang kapolisan sa Tabuelan. Kun aduna man tingali nagpabadlong, aduna pa gyoy nagpabiling ligdong sa atong kapolisan.

Hinuon, dili sab ko makabasol sa atong texter kun misantop sa iyang hunahuna nga nasubornohan ang kapolisan. Kinsa man say dili mahibulong nga bisan rampant na ang sugal pero morag walay gihimong aksiyon ang mga polis. Natural, magduda gyod ta!

Buyno, aron pagpapas sa tanang pagduda, mas maayong aksyonan na sa kapolisan sa Tabuelan ang giingong sugal nga naghitak na sa maong dapit. Angayan nilang hugtan ang kampanya batok sa illegal gambling.

* * *

"Palihog kog badlong anang usa ka tindera sa bakeshop diha sa Tuyan. Hugawan kaayo kay kamoton lang ang pan. Inigbalhin kamoton bisan og naa pay mamalit. Kun mangutana kag init ba ang ilang pan hikap-hikapon sa tindera. Dili ra ba maminaw kun badlongon. Naa say usa nila ka baker manigarilyo sa sulod. Pagkaon baya nang ilang gibaligya." -- 0920-8562771 (Sent: 05:59:34 pm--August 23, 2008)

Uy, dili magsilbi kun magpadayon nang ilang kalaki. Tiaw bay kamoton ang pan? Mahugaw gyod! Nganong dili man siya mogamit og tong?

Ug kanang baker nga manigarilyo, nasayod kaha ang iyang amo sa iyang gibuhat?

Akong sugyot nimo, higalang texter, nga imong ipaabot ngadto sa health division sa inyong lungsod kining imong concern aron maaksiyonan sa proper authorities ang korehianang buhat sa mga trabahante nianang bakery nga imong gireklamo.

(Sumbong ug reklamo? Text sa 0910-8105522).