Text nga panghadlok

"Good day, Sir. Reklamo lang ko bahin sa uban nga magpadala og text messages nga panghadlok. Nga kun dili nato ma-forward to 20 people, naay daotang mahitabo. Labina if ma-delete nato nga dili ma-forward." -- 0921-4924609 (Sent: 09:14:52 pm -- September 3, 2008)

Daghan bitaw'ng nagpakaylap og text messages nga makahadlok kay nagdala’g hulga. Binuhatan kini sa irresponsible texters nga wala mogamit sa ilang common sense. Wala nila analisaha kun may basehanan ba ang text nga ilang gipadala o gi-forward.

Sa una, gitawag kinig chain letter (pinaagi pa sa koreyo). Karon gipaagi na sa text kining mensaheng walay basehanan. Gamiton nila ang atong pagtuo aron motuman ta sa ilang text.

Sagad nilang pasangil nga ang text nga ilang gi-forward gikan ni Mama Mary, Sto. Niño, Birhen Sa Regla, Our Lady of Penafrancia, Our Lady of Manaoag, Birhen sa Guadalupe ug daghan pang uban.

Dako kining tinonto. Gigamit nila ang ngalan sa Ginoo sa pasipala, butang nga dakong supak sa Napulo ka Sugo. Matawag man ni’g pasipala kay gigamit man nilang espirituwal nga mga butang may kalabotan sa atong pagtuo sa ilang pagpanghulga.

Nga kuno, kun dili nimo ika-forward ang ilang message, may mahitabo nimong daotan. Nga kuno, ang hari sa Englatera ni-forward sa messages ug nakadawat og grasya. Ug kuno, ang primero ministro sa Argentina napakyas pag-forward sa messages ug namatay ang iyang anak. May basehanan ba god ning maong patuo-tuo o pangangkon.

Pero mao lagi, ang kadaghanan nato mahadlok og gaba o karma, maong mo-forward na lang sa mensaheng madawat nga may dalang panghadlok. Ako moingon nga ayaw mog tuo sa maong mga mensahe kay binuhatan lang kana sa walay lingaw ug dili kana Biblical.

Ang mosunod nga mga numero sa selpon nagpadala usab og mga text nga panghadlok: "0929-4575350 (Sept. 6, 2008), 0915-2305034, 0909-2115223, 0909-9421322, 0910-8184930, 0909-3353441, 0905-8536508, 0915-6516025, 0928-7016136, 0909-8289115 ug 0919-7787528. Ako mismo ang nakadawat sa panghadlok nilang text messages. Timan-i ninyo ang maong mga numero.

 (Sumbong ug reklamo? Text sa 0910-8105522)