Hantak sa Abugon

Atong gisangpit ang atensiyon sa mga brgy. opisyal sa Abugon, Sibonga, Cebu. May reklamo kong nadawat nga nagkinahanglan sa inyong pagpakabana. Labing maayo nga inyo kining maaksiyonan.

May nadawat kong sumbong nga diha sa inyong barangay (Abugon) nag-exist ang sugal nga hantak. Sumala sa kasayoran nga akong nadawat, wala gyod mabadlong ang mga sugarol diha.

"Grabe ka sugarol ang mga tawo walay trabaho," nagkanayon ang atong tipster nga naggamit sa cell. no. 0922-2853917 (Sent: 08:56:19 am--August 6, 2008)

Susiha ninyo kun unsa kini ka tinuod. Ug kun tinuod man, mas maayo nga inyo kining mabadlong. Ang sugal ra ba usa sa matumbok nga hinungdan nga mahitabo ang lain pang salaod, partikular na ang pangawat.

Busa, aksyoni!

* * *

Adunay misumbong nako nga ang NFA rice retailer diha sa Tabunok, Sogod mibaligya sa NFA rice nga tag P18.25 unta ngadto sa P20.00 na ang matag kilo. Unsa man kaha kini ka tinuod?

"Primero tag P18.25 ra ni. Pero ila man giusab ang presyo og tag P20.00 na. Giusab pod nila ang patakaran. Kuhaon nila ang bayad usa pa sila mangompra. Morag ang kuwarta sa katawhan maoy ilang ipuhonan," nagkanayon ang atong texter nga naggamti sa cell. no. 0906-8703331 (Sent: 11:20:09am--August 6, 2008)

Dili lang una ko mokomentaryo mahitungod niini. Hinuon, hatagan nakog higayon ang NFA rice retailer diha sa Tabunok, Sogod nga maka-explain sa iyang habig. Bukas kining lindog alang sa iyang tubag.

* * *

Ang tag-iya sa cell. no. 0926-3663177 mi-text nako niadtong Agosto 6,2008 aron pagpadangat sa iyang concern mahitungod sa ilang dapit sa South Poblacion, City of Naga.

Naa kunoy mga dapit sa maong barangay nga walay suga ang karsada ug ngitngit kaayo panahon sa kagabhion. Kasagaran anha kuno dihang dapita mahitabo ang mga pagpamusil ug panulis. Maayo unta nga masug-an ang maong dapit.

(Sumbong ug reklamo? Text sa 0910-8105522).