Binuang sa bugas
Gikan sa cellphone number 0910-3797808: “Good day, Sir. Nagtuo ko nga nawagtang na ning binuang sa bugas. Nipalit kog ganador nga bugas. Pag-abli nako sa sako kay ako untang ibalhin sa laing sudlanan, akong nasuta nga dili ganador nga klase sa bugas ang sulod sa sako. Ubos nga klase sa bugas ang sulod. Di ka magtuo nga fake kay ang sako naa may seal nga red ug blue. Naa pa gyoy nakasulat nga timailhan kunohay sa fake didto sa sako. Mahal ra ba ang akong pagpalit kay sa 25 kilos nakabayad kog P850.00. Manghinaot lang ko nga mapakgang kini. Thanks.” -- 0910-3797808 (Sent:
* * *
Nagtuo ko nga wala sa main supplier ang maniobra niini kun dili sa mga kamot sa retailer. Mao ni ilang kalaki. Ang bugas nga ubos rag kalidad ilang markahan og ngalan sa high-quality commercial rice aron mahal ang presyo. Sa ingon, dako silag ginansiyahon. Duna ganiy uban nga ang NFA rice isulod sa sako sa commercial rice aron ila kining ibaligya sa mahal nga presyo. Mao nga imbes P16 ngadto sa P18 ra ang presyo sa NFA rice, nahimo na kining P25 kay ipatuo man sa retailer nga commercial rice kini. Bisan pa man, mailhan gihapon sa baho.
Bantayanan kining maong estilo sa modus operandi sa tikasan nga mga retailer og bugas. Mora man lang og ilang gidula-dulaan ang atong kuwarta. Kitang mga kunsomedor angayan gayod nga magmatngon. Hinaot usab unta nga masanta kining binuanga sa proper authorities aron pagprotehir sa welfare sa mga mamalitay.
* * *
Sa laing bahin: “Salamat kaayo nga imong gi-publish ang akong gipamalihog nimo nga reklamo. Naaksiyonan na sa among mga barangay official kadtong naghantak luyo sa kapilya sa Tangke, Talisay. Salamat kaayo. Godspeed.” -- 0910-5571311 (Sent:
Salamat sab sa kasayoran nga imong gipaabot nako. Nalipay ko nga gihatagan dayon og pagtagad sa mga barangay official sa Tangke ang imong sumbong. Mao kaya opisyal! Hinaot unta nga ilang monitoron ug bantayan pag-ayo aron dili na mobalik pag-operate ang maong sugal.
* * *
(Sumbong ug reklamo? Text sa 0910-8105522).
- Latest
- Trending
