Smuggling

Usa sa mga tawo nga labing hayahay nga pagkabutang dinhi sa atong nasud, gawas sa mga drug lord, mao ang mga smuggler.

Matag karon ug unya, makadungog tag nasakmit nga mga smuggled nga bugas, smuggled nga mga sakyanan, smuggled nga oil, smuggled nga mga spare parts, ug ubang pinayuhot nga mga butang. Apan waa gyuy napriso nga smuggler.

Ngano man ni Dro? Naay mga treasurer sa lungsod, mga cashier o mga clerk nga masakpang nanghilabot sa salapi sa lungsod, priso man dayon. Apan, mga drug lord ug mga smuggler nga binilyon ang nakawat, di man madakpan ug labaw pang di mapriso.

Ngano man ni Dro? Nganong sayon mang mapriso ang ginagmay'g pangilkil, samtang ang mga dinagko imposible man?

Mao nay giingon sa akong amigo, Jess Faller, nga kon mangawat ka, ayaw'g daginot og pila lang ka libo, steal by the billions, and you won't get caught. Tinuod ba ni, Dro?

Headline sa usa ka mantalaan: Anti-smuggling drive failure cost government P175 billion: Pagka-daku ining kuwartaha. Matud pa ni Senador Mar Roxas ang maong kantidad doblihon pa ang kantidad nga gipaabot nga makolekta gikan sa VAT. Buot ipasabot ni Roxas nga kon sinsero pa ang gobiyerno sa kampanya batok sa technical smuggling, unya nakolekta gyud ang tukmang buhis, waa na kinahanglana ang dugang buhis, waa na kinahanglana ang VAT.

P175 billion ang nawala matag tuig gumikan sa smuggling. Kini sa smuggling lang. Idugang ang ubang matang sa corruption, pila kaha ka bilyon o trilyon ang mawala sa atong gobiyerno matag tuig?

Daghag kuwarta ang Pilipinas. Waa lang masulod sa panudlanan sa gobiyerno. Waa naman sila si Marcos ug Erap, ngano sige pa man ang graft and corruption sa atong nasud? Nagka-grabe naman gani hinuon! Kinsa man ni sila Dro? Pagka-waa sad nilay mga uwaw uy!