Seguridad sa ‘White Ribbon’ rally sa Hunyo 28, tiniyak ng PNP
MANILA, Philippines — Tiniyak ng Philippine National Police (PNP) ng mahigpit na seguridad para sa gaganaping White Ribbon Movement rally sa Hunyo 28 sa Edsa People Power Monument, kung saan inaasahang dadalo ang nasa 10,000 katao.
Ang paniniyak ay ginawa ni PNP chief Gen. Jose Melencio Nartatez Jr., kasabay ng kanyang kautusan sa National Capital Region Police Office (NCRPO) at iba pang yunit ng pulisya na magsagawa ng masusing security assessment sa lugar at mga kalapit na imprastraktura.
Pangungunahan ng Inter-Religious Leaders Council for National Transformation mga religious group at civil society ang rally na nananawagan ng reporma sa halalan, mas mataas na pananagutan ng pamahalaan at mga hakbang laban sa korapsiyon at political dynasties.
Sinabi ni Nartatez na prayoridad ng pulisya na mapanatiling mapayapa ang pagtitipon at maiwasan ang anumang kaguluhan.
Ayon sa lead convenor ng religious group na si Bishop Colin Bagaforo, ang naturang rally ay karugtong ng Trillion Peso March protests na isinagawa noong nakaraang taon.
- Latest
