381 ka kaso sa dengue natala sa probinsiya sa buwan sa Hulyo

CEBU, Philippines — Natala sa Cebu Provincial Health Office (PHO) ang 381 ka kompirmadong kaso sa dengue sa Probinsiya sa Sugbo sulod sa buwan sa Hulyo.

Kini base sa uwahing surveillance data gikan sa local government units (LGUs).

Lakip sa mga areas nga dunay taas nga gidaghanon sa reported cases mao ang Toledo City nga dunay (49) ka kaso, Barili (39), Talisay City (34), Consolacion (33), Carcar City ug Medellin nga dunay tag 19 ka kaso.

Ang laing lungsod nga nakatala og kaso mao ang Cordova and Dalaguete (17), Sogod (14), Danao City (13), ug 12 sa Argao, Balamban apil na ang Compostela. Ang Liloan nakatala og 10 ka kaso, samtang ang Daanbantayan, Moalboal, ug San Francisco adunay siyam ka kaso matag usa.

Samtang ang Borbon, Minglanilla, ug Oslob adunay walo ka kaso matag usa, gisundan sa Badian, Dakbayan sa Bogo, ug Madridejos nga adunay pito ka kaso matag usa, Pinamungajan nga adunay lima ka kaso, ug Catmon nga adunay upat ka kaso.

Suma ni Public Health Consultant Dr. Nikki Catalan nga ang PHO nagpadayon sa hugot nga pag monitor sa sitwasyon sa mga LGUs.

Hinuon iyang giklaro nga bisan pa sa pagsaka sa mga kaso, ang probinsiya wala pa modeklarar og dengue outbreak. (BANAT NEWS)