Sen. Marcoleta, inatake ng high blood

MANILA, Philippines — Posibleng manatili muna si Senador Rodante Marcoleta sa PNP ­General Hospital ng isa hanggang dalawang araw para masuri kung saan isasagawa ang medical checkups na bahagi ng booking procedures nito.

Ito ang sinabi ni ­Inter­ior and Local Go­vernment Secretary Jonvic Remulla kung saan nakaramdam ng chest pain si Marcoleta matapos na arestuhin bunsod ng warrant of arrest dahil sa kasong plunder.

Ayon kay Remulla, sa edad ni Marcoleta sasailalim ito sa iba’t ibang pagsusuri katulad ng blood pressure at electrocardiogram (ECG), “to ensure his fitness.”

“We don’t know when that will be completed, but hopefully, within the next two days all their examinations will be completed for full health, which we will report to the Sandiganbayan,” ayon kay Remulla.

Binigyan diin ni Remulla na hindi nila nais na manghiya at ­mangwawalanghiya ng sinuman.

Sinabi naman ni Criminal Investigation and Detection Group (CIDG) Director PMGen Robert Morico II na dumaing ng pananakit ng dibdib at tumaas ang blood pressure si Marcoleta kaya kinailangan na dalhin sa PNP-General Hospital.

Sinabi ni Morico na nakadepende sa sasabihin ng mga doctor kung maaari nang dalhin si Marcoleta sa Sandiganyan.

Nilinaw din ng opis­yal na wala pang commitment order na inila­labas ang korte.