Williams ‘di lalaro sa Game 7
OKLAHOMA CITY -- Lalabanan ng nagdedepensang Thunder ang San Antonio Spurs sa Game 7 ng kanilang Western Conference finals series na wala si star wing Jalen Williams.
Ito ay dahil lumala ang left hamstring injury ni Williams sa Game 2 at hindi na nakalaro sa Games 3, 4 at 5.
Nakita siya sa aksyon sa 10 minuto ng Game 6 kung saan natalo ang Oklahoma City sa San Antonio, 91-118, na nagtabla sa kanilang best-of-seven series sa 3-3.
Ang mananalo ang sasagupa sa New York Knicks sa NBA Finals.
Winalis ng Knicks ang Cleveland Cavaliers, 4-0, sa kanilang Eastern Conference finals duel.
“He’s obviously not 100%,” ani Thunder coach Mark Daigneault kay Williams. “He didn’t know what to expect. I didn’t know what to expect. So, it was a matter of getting him out there in kind of an insulated role and see what he can bring to the team.”
Isa si Williams sa mga sinandalan ng Oklahoma City sa paghahari sa nakaraang NBA Finals laban sa Indiana Pacers bagama’t naglaro siya na may right wrist injury na nangailangan ng surgery.
- Latest
