Spurs, Thunder may rubber match

SAN ANTONIO — Pumuwersa ng ‘winner-take-all’ Game 7 ang Spurs matapos resbakan ang nagdedepensang Oklahoma City Thunder, 118-91, sa Game 6 ng kanilang Western Conference finals series.

Nakatakda ang do-or-die’ game bukas sa Oklahoma City kung saan ang mananalo ang lalaban sa New York Knicks sa NBA Finals.

Winalis ng Knicks ang Cleveland Cavaliers, 4-0, sa kanilang Eastern Confe­rence finals duel.

Kumolekta si Victor Wembanyama ng 28 points, 10 rebounds at 3 blocks sa pagbangon ng San Antonio mula sa naunang 114-127 kabiguan sa Game 5 para itabla sa 3-3 ang kanilang best-of-seven showdown ng defending champion.

“Playing with desperation just feels like it erases kind of all the little mistakes that we do that are human nature, whether it’s in the regular season or previous games,” sabi ng 7-foot-4 na si Wembanyama. “Just got to fight that all the time and put your backs against the wall. It feels like it’s the best opportunity to be able to play.”

Nagdagdag si Fil-Am Dylan Harper ng 18 points para sa Spurs habang may 17 at 12 markers sina Stephon Castle at Devin Vassell, ayon sa pagkakasunod.

Nalimitahan si Thunder star Shai Gilgeous-Alexander sa isang team-high 15 points mula sa 6-for-18 field goal shoo­ting habang kumolekta si Chet Holmgren ng 10 points at 11 rebounds.

Hindi pinaiskor ng San Antonio ang Oklahoma City sa loob ng walong minuto sa third period tampok ang kanilang 22-0 atake para iposte ang 92-64 kalamangan sa huling 56 segundo ng nasabing yugto.

Mula rito ay hindi na nakabangon ang Thunder sa fourth quarter.