VP Sara sumirit ­ satisfaction ­rating – SWS

MANILA, Philippines —  Naungusan ni Vice President Sara Duterte ang iba pang opisyal ng gobyerno na may pinakamataas na net satisfaction ratings, ayon sa pinakabagong survey ng Social Weather Stations (SWS).

Nakakuha si Duterte ng +28 net satisfaction sa fourth-quarter national survey na isinagawa noong Nobyembre 24-30, 2025.

Lumabas na 54% ng adult Filipinos ang nagsabi na kuntento sila sa performance ni Duterte habang 26% ang dissatisfied .

Mas mataas ito ng anim na puntos mula sa +22 noong third-quarter survey ng Setyembre 2025.

Nakakuha naman si Senate President Vicente “Tito” Sotto III ng +16 net satisfaction habang +5 net satisfaction ang rating ni Speaker Faustino “Bojie” Dy III.

Nakakuha naman si Chief Justice Alexander Gesmundo ng +9 net satisfaction na kapareho lang noong September survey.

Ginawa ang nationwide survey sa 1,200 adults na may edad 18 pataas gamit ang face-to-face interviews.