MANILA, Philippines — Kung sa pamunuan ng Pinagkaisang Samahan ng mga Tsuper at Operators Nationwide (PISTON) tagumpay ang isinagawang tigil-pasada, bigo naman ang turing dito ng Metropolitan Manila Development Authority (MMDA).
Sa isang pulong balitaan, sinabi ni Metropolitan Manila Development Authority (MMDA) chairman Romando Artes na 66 lamang sa 686 behikulo na inihanda ng pamahalaan upang magbigay ng libreng sakay sa stranded passengers, ang kanilang nai-deploy.
Sa kabila nito, tiniyak ni Artes na patuloy nilang imu-monitor ang sitwasyon ng tigil-pasada hanggang sa matapos ito.
Muli rin niyang tiniyak na handa sila sakaling magpasya ang PISTON na ituloy pa rin ang kanilang tigil pasada.
Samantala, nabatid na nagtungo sa MMDA si Vice President Sara Duterte at nakilahok sa ginagawa nitong monitoring sa tigil-pasada.
Pinuri rin nito ang kahandaan ng ahensiya sa kanilang transport strike response.