2 most wanted nadakip
MANILA, Philippines — Nadakip ng mga tauhan ng Quezon City Police ang dalawang most wanted.
Unang nadakip ng mga tauhan ng Anonas Police Station (PS 9) ng alas-2 ng hapon sa QC Hall Compound ang isang Jasmin Lim, 60, ng Baltazar St., Grace Park, Caloocan City .
Si Lim ay may naka-pending na Warrant of Arrest dahil sa kasong 10 counts ng paglabag sa Anti-Bouncing Check Law na naipalabas ni Judge Gloria Monica Sangalang Lopez-Lao ng Metropolitan Trial Court (MeTC)-Branch 113, Quezon City.
Nahuli rin ng QC Police si Nolito Resurreccion Durana, 43, ng Brgy. Mahabang Parang, Antipolo City, Rizal na may pending Warrant of Arrest dahil sa kasong Rape na inisyu ni Judge Anna Francesca Limbo ng Regional Trial Court (RTC)-Branch 69, Binangonan Rizal.
“The QCPD is committed to ensure the safety and well-being of our community by apprehending those wanted criminals and holding them accountable for the crimes they committed,” ayon kay QCPD director Nicolas Torre.
- Latest
