Kelot itinumba ng tandem
MANILA, Philippines — Patay ang isang hindi pa kilalang lalaki nang pagbabarilin ng riding-in-tandem, habang nakatayo sa harapan ng isang tindahan, sa Brgy. Baclaran, Parañaque City, kamakalawa ng gabi.
Inilarawan lamang ng Parañaque City Police Station ang biktima sa edad na 30-35, nakasuot ng itim na jacket at may taas na 5’5.
Mabilis din namang tumakas ang mga suspect na kapwa nakasuot ng itim na jacket, naka-full mask helmet ang driver ng motorsiklong walang pala habang ang backride/gunman ay nakasuot ng baseball cap.
Sa inisyal na ulat, biglang sumulpot ang mga suspect sa tapat ng biktima na nakatayo sa labas ng isang tindahan at walang sabi-sabing pinaputukan ng maraming ulit ng backride.
Nagawa pang makatakbo paiwas ng biktima papasok sa drug store subalit bumagsak na rin ito dahil sa dami ng tinamong tama.
Blangko pa ang pulisya sa motibo sa krimen habang patuloy pa rin ang isinasagawang imbestigasyon ukol dito.
- Latest
