Bading nanunog, timbog
MANILA, Philippines – Kalaboso ang isang 37- anyos na bading na sinasabing isa ring drug addict nang arestuhin sa pagsunog sa inuupahang silid sa Binondo, Maynila, kamakalawa ng hapon.
Sa ulat ng Manila Police District-Station 11, binitbit sa kanilang presinto ng mga barangay tanod ng Brgy. 286 Zone 25, ang suspek na si Leo Melijor, walang trabaho, ng Valderama St., Binondo matapos silaban umano ang inookupahang silid kung saan nadamay ang mga katabing kuwarto nito. Dakong alas -12:30 ng hapon , kamakalawa, nang sindihan umano ng suspek ang walis tambo at dahil sa nakadikit sa dingding ay nasunog ito at maging ang katabi ay nadilaan din ng apoy.
Naaalarma ang mga residente na nagtulung-tulong sa pagsawata ng apoy.
Nabatid na nangungupahan lamang ang suspek sa bahay ng isang Pedro Espanola, 52.
Kasong arson ang kinakaharap ngayon ng suspek.
- Latest
