Fetus isinilid sa kahon ng mikropono

MANILA, Philippines - Isang fetus na tinatayang nasa  lima hanggang anim na buwang gulang ang natagpuang nakasilid sa isang kahon ng mikropono sa lungsod Quezon kahapon ng umaga. Ayon kay Mark Pascua, kawani ng Perfect Match Pizza, nadiskubre niya ang nilalang sa tabi ng kanilang trash bin habang siya ay naglalagay ng kalat dito sa Cubao, alas 6 ng umaga.

Sinabi ni Pascua na nagtaka siya ng makita ang bagong kahon ng mikropono sa nasabing lugar kung kaya niya dinampot ito at nang buksan ay saka nabatid na isa pala itong fetus.

Agad niya itong ipinagbigay alam sa mga Barangay Officials ng Brgy. Silangan, na agad ding inireport sa mga awtoridad para maimbestigahan at mabatid kung sino ang walang pusong Ina na may kagagawan nito.