1 patay, 2 sugatan sa QC fire

MANILA, Philippines - Isa ang patay, habang dalawa ang sugatan sa sunog na tumupok sa 2,000 kabahayan sa lungsod ng Quezon ngayong Huwebes.

Isa sa mga sugatan ay ang fire volunteer na si Paul Manuel na kaagad isinugod sa Chinese General Hospital.

Ayon sa inisyal na imbestigasyon, bandang 6:45 ng umaga nagsimula ang sunog sa Kaingin Bukid, West Riverside, Barangay Apolonio Samson.

Sa laki ng sunog ay mahigit 100 firetrucks ang rumesponde.