Kelot sinaksak sa party, kritikal
MANILA, Philippines - Nasa kritikal na kondisyon ngayon ang isang lalaki makaraang pagsasaksakin ng kainuman kahapon ng madaling-araw sa Navotas City.
Nakaratay ngayon sa Jose Reyes Hospital ang biktimang si Israel Reano, 53, ng #76 Judge A. Roldan Street, Daang-Bangko, Brgy. San Roque, ng naturang lungsod.
Pinaghahanap naman ang tumakas na suspek na kinilala sa alyas na “King Principe”, naninirahan sa may Gold Rock St., ng naturang barangay.
Sa inisyal na ulat, magdamag na nag-inuman si Reano at suspek sa may Judge A. Roldan St. dahil sa kaarawan ng una.
Subalit dakong alas-5:30 ng umaga ay nagtalo ang dalawa dahil na rin sa impluwensya ng alak hanggang sa naglabas ng patalim ang suspek at sunud-sunod na tinarakan ang biktima saka mabiis na tumakas dala ang armas.
Agad namang natulungan ng mga nagising na kaanak si Reano at naisugod sa pagamutan kaya naiwasan ang pagkaubos ng dugo.
- Latest