QC bilang technical skills capital, isusulong ni VM Joy B

MANILA, Philippines - Isusulong ni Quezon City Vice Mayor Joy Belmonte na maging technical skills capital ang lungsod. 

Ayon kay Belmonte ka­tulong nila ang pamahalaan ng Korea nang magkaroon ng isang tripartite agreement ang Korea at Pilipinas (KORPHIL) sa pamamagitan ng Korean International Co­operation Agency, TESDA  at QC government para makapag -produce ang lungsod ng mga highly skilled manpower sa IT industry.

Anya, naglaan ang Korea ng $4.3 milyon sa Tesda para pondohan ang proyektong ito sa QC, gayundin  ang mga equipment at structure para dito.

Para sa matagumpay na pagpapatupad ng proyektong ito ay nakapagpatayo ang QC government ng IT training center sa Novaliches katulong ang Korea upang dito hasain at bigyan ng training­ ang mga taga-lungsod at ang mga graduates dito ay  bibig­yan ng trabaho ng KORPHIL­.

Ang proyekto ay nagsimula noong 2004 at magtatapos sa taong 2019 ay pinanga­ngasiwaan ng QC Polytechnic University.