Graphic installer dedo sa bugbog, saksak
MANILA, Philippines - Isang graphic installer ang patay, makaraang pagtulungang bugbugin at pagsasaksakin ng tatlong kalalakihan na nakaalitan sa “pusoy†sa lungsod Quezon kahapon ng madaling-araw.
Hindi na naisalba pa ng mga doctor sa NovaÂliches General Hospital si Edgar Fidel, 45, matapos na magtamo ng saksak at bugbog sa katawan mula sa mga suspek na nakilalang sina Tuling Escalera, Ian Escallera at isang alyas Bayan na pawang mga residente sa Brgy. Sta Monica, Novaliches.
Ayon kay PO2 Julius Raz, imbestigador, nangyari ang insidente sa may kahabaan ng Kilyawan St., Brgy. Sta Monica, Novaliches, ganap na ala-1 ng madaling-araw.
Naglalaro ng pusoy ang biktima at mga suspek nang biglang magkaalitan ang mga ito. Umalis ang biktima at pagbalik ay kasama nito ang kaibigang si Eric Tejano. Subalit agad na pinagtulungan ng mga suspek ang biktima.
Isa sa mga suspek ang kumuha pa ng tubo at hinataw sa ulo ang biktima, at hind pa nakuntento ay inundayan pa nila ng mga saksak sa katawan ang huli, bago tuluyang nagsitakas.
- Latest