Ex-sekyu binoga patay

MANILA, Philippines - Isang dating security guard ang patay nang paulanan ng bala ng isang hindi pa nakikilalang lalaki sa labas ng kanyang bahay sa Tondo, Maynila, kahapon ng umaga.

Dead-on-arrival sa Gat Andres Bonifacio Memorial Medical Center ang biktimang kinilalang si Arnulfo Rubia, 42, may asawa at residente ng Temporary Housing, Vitas, Tondo dahil sa apat na  balang tinamo sa ulo at katawan.

Batay sa impormasyon, nakasuot ng bonnet ang armadong suspect na naglakad lamang papalayo matapos ang pamamaril.

Sa ulat ni SPO2 Benito Cabatbat ng Manila Police District Homicide Section,  dakong alas-9:00 ng umaga nang mang­yari ang pamamaril sa labas lamang ng bahay ng biktima.

Paniwala ng pulisya, nagsadya sa mismong lugar ang suspect upang makakuha ng pagkakataon na maitumba ang biktima.

Wala pang motibo at pagkikilanlan ang suspect na kasa­lukuyan pang inaalam.