Lider ng ‘Kadamay’ kinasuhan

MANILA, Philippines - Pormal nang sinampahan ng kasong indirect assault, obstruction at illegal assembly ang mga lider at miyembro ng grupong Ka­damay matapos ang bayolenteng barikada na naganap sa Agham road na ikinasugat ng limang tauhan ng pulisya.

Kabilang sa mga kina­suhan sa Quezon City Pro­se­cutors Office ay sina Es­trelita “Ka Inday” Bagasbas, Carlito Badion, Arnulfo Anoos, Josephine Lopez  at iba pang miyembro ng gru­pong Kadamay.

Binigyang diin ni QCPD Chief Richard Albano, mina­buti nilang kasuhan na ang mga nabanggit dahil sa bukod sa kanila ay hindi rin sinunod ng mga militante ang mga  tauhan ng Commission on Human Rights  (CHR)  na nakiusap na tanggalin ang barikadang inilagay ng mga ito sa kahabaan ng Agham Road.

Bunga anya sa pag-is­nab ng mga militante sa CHR ay sumiklab ang bakbakan at nasaktan ang mga pulis na sina PO3 Rodolfo Sa­bucor, PO2s Ruel Larobis, Ricky Gacelo at sina PO1s  Larry Christ Taguiling at Nagal Kares.