Holdaper utas sa shootout

MANILA, Philippines - Patay ang isang hinihinalang holdaper matapos maki­pagbarilan sa mga pulis sa ilalim ng Luzon Flyover sa Commonwealth, Quezon City kahapon ng hapon.

Ayon kay QCPD Station 3 chief, Supt. Michael Macapagal, natunugan nila ang suspek na si Michael Garcia at nang lapitan para sitahin ay agad nakipagbarilan sa kanila.

Agad namang narekober sa lugar ang baril na ginamit ng suspek, habang naisugod pa sa East Avenue Medical Center si Garcia pero hindi na umabot pang buhay.